السلام عليكم ورحمة الله وبركاته
ع الصبح كده وسامع الصوت العالي من الشارع واستعجاب وتساؤلات كتيرة على لسان جيرانا
الحقوا عم علي ماجاش
ربنا يستر
<< ياترى ماله
<< يمكن حد مات ؟
<< او ممكن عنده فرح
يرد اخر
ياجماعة هو قال امبارح مش هاجي يبقى حد مات ازاى ؟
طيب فيه
خير يارب
وهانعمل ايه النهاردة
الغايب حجته معاه
———-
سوري ياجماعة نسيت اقولك عم علي ده بتاع [ الفول ]
طبعا اليوم مايمشيش من غيرة مش علشان هو الوحيد اللي بيبيع فوق
لا ده فيه محلات كتيرة في الحي بتاعت فول وطعمية
وده راجل بعربية
بس ده ياجماعة افتكر وانا كان عندي سنتين بييجي هنا والناس بتتلم عليه برضة
وكان قبلها
بقاله حوالي قول كده اكتر من 20 سنة بييجي والكل عارفه
وغير كده كمان راجل “شرب الصنعة” فوله بيبقى حلو
بس ده لوحدة مش كفاية تقتكروا ايه كمان ؟!
المعاملة
ايوة المعاملة بتفرق برضة مع الناس
انا عن نفسي لو واحد احسن حاجة عنده في اى مجال ومعاملته “زٌقٌتًًُ” اكيد طبعا ولا هاشتري من عنده ولا هاعبره
اعرفوا ياجماعة ان المعاملة بتفرق كتير مع الناس
ياريت نخلي عندنا شوية صبر ولباقة في المعاملة مع الناس وهتلاقيك محبوب من كل الناس والله << واسأل مجرب :D
عموما انا كتبتلكم الموضوع ده بس علشان اوصلكم ان المعاملة والسمعة بتفرق كتير عند الشعب المصري والناس كلها
مستني رأيكم
السلام عليكم ورحمة الله وبركاته
امبارح بالليل واحنا قاعدين ولا على بالنا لاقيت صوت مزعج عمل ترررررن تررررررررررن
انا قولت ده اكيد التليفون << ايه الذكاء ده
رفعت السماعة
السلام عليكم
وعليكم السلام
طلع ميدو ده ابن اختي يقولي استنى اما اقولك نكتة
لسة بيقول اول كلمة كان فيه واحد ……
وبعدين قالي استنى ياخالوا راح لوالدته اللي هيا اختى وقالها ماما كان فيه واحد ايه
الواد نسي ياعيني <<< طبعا مش انا خاله 
وبعدين منه شبطت بتكلم مين
قالها ده خالوا
خدت السماعة وبقولها ازيك يامنه قالتلي استنى اما اقولك نكتة
قولت يبقى مش هاخلص , النكتة بتاعت منه دي بتقعد ربع ساعة تقولها ومش بنفهم كلمة مفيدة منها
قولتها منه هاتي ماما اكلمها << اللي هيا اختي برضة
تقولي استنى بس اقولك نكتة
يامنه ماشي هاتيها بس اكلمها وبعدين قوليلي النكتة
لالالالا استنى هاقولك النكتة وقالت النكتة وياريتها ماقالت
ولا كلمة فهمتها
يامنة ارحميني هاتي ماما اكلمها
لالالالالالالالالالالالالالالالالا اقولك النكتة الاول
فوضت امري لله وقولتيلها قولي يامنة فتحت السبيكر وسبت السماعة لما تخلص كلامها
هي مع نفسها كده زهقت من النكتة بتاعتها وقالت ماما كلمي خالوا
هما كلمتين قولتها لامها وقفلت تاني ;D
سلاموز ما اجيلكوش في نكتة
السلام عليكم ورحمة الله وبركاته
بالصلاه على النبي كده انا بقى اللي هاقدملكم النشرة النهاردة واللي مش عاجبة يقوم يسيب النت كله ويمشي
والله ما هاساله انت رايح فين
بسم الله نبتدي
الصبح الساعة 7 حصل حدث مهم جداااااااا
بس للاسف انا ماعرفتوش كنت نايم والله
ياجماعة من غير ما اطول اللي يعرف حصل ايه في الفتر من الصبح للساعة 11.30 يقول
اهو يعمل بلقمتة في البتاع اللي بكتب فيها دي
بعد كده بقى حصل ايه
هاه
برضة ماعرفش هو انا فاضي علشان اشوف الاخبار
المهم ياجماعة بقى اللي عايز يشوف الاخبار يفتح النشرة ومايقرفنيش
سلام
السلام عليكم ورحمة الله وبركاته من يومين عرفت حته فزورة انما ايه ممكن تقعد فيها وقت جامد علشان تحلها انا هاقول الفزورة واللي يعرف يحلها يكتب الحل الفزورة ست كبيرة ماشية وشايلة بيض على راسها فعيل صغير محندق زي اللي بيقراه الكلام دلوقتي ماشي بالعجلة اللي باباه جابهاله لما نجح في نص السنة وجاب 51% المهم العيل ده خبط في الست دي ووقع البيض اتكسر كله فالست ياعيني عمالة تعيض على البيض اللي راح الناس اتلمت ففيه واحد صعبت عليه فقالها طيب ياحاجة البيض كانوا كام وانا اجيبلك بدالهم قالتله انا ماعرفش عددهم بس انا كنت بقسمهم كده لو قسمتهم كومين قد بعض هايكون باقي بيضة لوحدها ولو قسمتهم 3 اكوام فد بعض هايكون باقي بيضة لوحدها ولو قسمتهم 4 اكوام قد بعض هايكون باقي بيضة لوحدها ولو قسمتهم 5 اكوام قد بعض هايكون باقي بيضة لوحدها ولو قسمتهم 6 اكوام قد بعض هايكون باقي بيضة لوحدها انما لو قسمتهم 7 اكوام مش هايفيض ولا بيضة ياترى بقى مين الذكي اللى يقدر يقولنا هما كانوا كام بيضة
السلام عليكم ورحمة الله وبركاته ازيكم عاملين ايه النهاردة جايبلكم موضوع تمام عن نظافة مستشقيات مصر وقد ايه الحكومة مهتمية بنظافتها ومعاملة المرضى اللي فيها وراحتهم القصة تبدأ من رمضان اللي فات اتصل بيا صاحبي وقالي تعالى هانروح مشوار للمستشفى نشوف جدته ( الله يرحمها ) رحتله انا الصراحة يمكن اول مرة ادخل المستشفى دي او تاني مرة بس كنت داخلها من زماااااااااان ايام ابتدائي المنظر جوه رهيب بصراحة اندهشت من اللى موجود الصراصير والنمل في كل مكان بره وجوة وطبعا مافاتتش عليا اني اصور الموضوع ده وهاتشوفوا الفيديو دلوقتي ونظافة ايه وحمامات ايه روووووعة لدرجة ان النور مقطوع في الحمامات << شوفتوا الاهتمام رابط الفيديو اهو http://www.ahmedafi.com/Hospital/hospital.rar باسوورد فك الضغط www.ahmedafi.com لا وكله كوم والدكاترة وطريقة تعاملهم كوم تاني خالص جدة صاحبي كان متعلقلها جلوكوز من الصبح واحنا كنا بالليل والجلوكوز خلص والابرة لسة في ايدها والابرة عملت لها تورم وكانت حالتها معاناه نزلنا للممرضه بتاعت الاستقبال اللى تحت ونقولها تقولنا ده مش من اختصاصي شوفوا الممرضين اللى فوق في القسم بتاعكم وطبعا فوق ماتسمعش صريخ ابن يومين مافيش اي حد خالص وطبعا هي معزورة ماينفعش تسيب مكانها رايحين للدكاترة كانوا قاعدين في الحوش تحت وعمالين يحكوا نقولهم يقولولنا طيب احنا هانبعت حد يشوفه نطلع ونستنى ولا حد عبرنا نزلنالهم تاني قعدوا يتشاورا وينادي لده ولده وفين وفين لما حد طلع شال الابرة وطبعا بعديها بيومين طلعوها من المستشفى الحمد لله كانت داخلة المستشفى بتمشي طلعت شايلينها على كرسي ومش قادرة تقعد الله يلطف بينا سلااااااااااااااااااااااااااااااااااااااااااام
ياهلا بالاحباب اشرقت الانوار (انوار الشموع) لحد يفهم نفسة سلك كهربا ولا حاجة
المهم ياجماعة من هنا مقر بيتنا اللى موجود في الحي بتاعنا وبلدنا برضه ماحدش يقولي انت اشتريتهم بفلوسك بلاش فقاقة مافيش حد مصري بيشتري بلده ممكن حد تاني عادي يعني انما مصري لا وثم لا مصر بلد الامل والامال وسعاد ويسرى وكل اللى انت عايزة
المهم بكرة عليا امتحان رياضة الساعة 2 الظهر ربنا يستررر
ادعولي ياجماعة ربنا يوفقني
قمت الصبح اتشطفت << نطفت بقى
من الصبح وانا قاعد عمال اذاكر قوانين التفاضل والتكامل والاحصا والنهايات حاجات تقرف والله وكله كوم وعم لوبيتال كوم تاني لو حد يسالني مين لوبيتال ده
اجاوبك ياسيدي
لوبيتال ده احد علماء الرياضة اكتشف قانون في النهايات
مثله مثل اقليدس وارشميدس وانطونيو وخوفو
ايوة الناس الكبيرة دي الله يرحمهم ويبشبش الطوبة اللى تحت راسهم
انا زهقت منهم قمت لابس الحتة اللى على الحبل وقلبت من اخويا 10 جنيه علشان اشتريله حزام
هاجيبله حزام ب 7 جنيه واقلب انا الباقي
ورحت على ابو الليل ماتخافوش ابو الليل ده صاحبي بيشتغل في محل عصير قصب في الشارع العمومي
المحل مش بيخلى من البنات << رايق اوي ابو الليل ده والله قعدت معاه شوية كان عايز موبايل نوكيا للبيع فنا جبتلة واحد ال جي عادي كله محصل بعضة
بعد ماقعدت معاه شوية روحت لصاحبي
وروحت البيت لاقيت احمد الدماطي بينده عليا ويقولي الجهاز مش عارف ماله الهارد مش راضي يوصل
فبسرعة بقى قلعت الشاكت وشمال يمين ولا هو هنا الا الهارد يشتغل ابدآآآآآ حالف يمين تلاتة انوا مايشتغل
وبعدين قولتله شيل الكيسة وخدها وديها لحامد <<< هابقى احكيلكم عنه بعدين
رجعت البيت فتحت الكتاب يوه قصدى الجهاز وكتبت المقال ده
واطلع انا بقى علشان اذاكر قصدى اروح لاختي اقعد عندها شوية لغاية ما اليوم بخلص وارجع انام
يالا سلاموز والقاكم غدآ بعد الامتحان ان شاء الله
سي يو
لولي لولي لولي لولي
الزمالك كسب وطلع لدور ال8 لكاس مصر
عقبال النهائي يارب
يوه معلش نسيت اني بكتب
اصل انا زملكاوي قديم
وصميييييييييييييييييييييييييييييم
بس الحمد لله مش متعصب وبحب الاهلاوية جدااا <<< العمر مش بعزقة
الحمد لله الزمالك عبر كفر الزيات بجونين مرة واحدة
بس عجبني جدا جون جمال حمزة لاني اساسا ماشفتش الجون الاول
كنت في الحمام
يالاحصل خير
بس تتوقعوا مين ممكن يكسب الكاس الفقر ده ابو 5 شلن ده
انا بتنمى الزمالك يكسب طبعا
ادعوا معايا انه يكسب
كفاية كده بقى
السلام عليكم ورحمة الله وبركاته
من انا!!!
سؤال صعب جدا
والاجابة
انا انسان << مش صح كده ولا ايه
ليا عقل والله وبفكر زي اى واحد بس انا بحب استعبط شوية
انا اسمي احمد عفيفي اظن كفايه كده علشان المعجبين بس
طالب في المعهد الفني الصناعي في الزقازيق الدور الارضي عشان لو حبيت تزورني ولا حاجة
سني 17 سنة
شغلتي اللى هي عملي يعني مصمم مواقع
كفايه كده بقى النهاردة علشان تعبت
