سبتمبر 14
111 Views
قالي روح … !!!
الحكايه بدأت لما حكمت عقلي وقررت اني اروح للدكتور علشان اكشف طبعا
بس طبعا بعد كل يوم اقول بكرة اروح واتلكع شوية رحت اخيرا يوم السبت واللي عرفته انه بيفتح [قصدي ميعاد الدكتور] بعد الفطار بس الساعة كام بقى ماعرفش … هو انا هاعرف ايه ولا ايه
لما رحت كانت الساعة 10 الا 10 بعد منتصف الليل بصوا بقى وفتحوا عنيكوا معايا هو الدكتور في الدور التالت وانا دخلت على الدكتور اللي في الدور التاني وانا طالع بقى ومنفتح شوية ودخلت بكل ثقة وبقول لو سمحت الدكتور موجود
قالي اه بس مين اللي هايكشف .. قولتله انا لقيته بيبص لبطني كده بطريقة غريبة وقال لا حول ولا قوة الا بالله
ايه ياعم فيه ايه مالك وكل اللي قاعد يبصلي ويضحك .. ايه ياجماعه حد يفهمني وبعد مداولات اكتشفت ان ده دكتور نسا وتوليد 
وانا طالع كان فيه اتنين قاعدين على السلم واحد وواحده الظاهر كده والله اعلم بيمُز [اللهم اني صائم ] طيب انا اطلع ازاي مش عايز اقطع عليهم قعدتهم .. دخلت بكل زوقي واحترامي اللي كلكم عارفينه طبعا لو سمحتي عايز اعدي الواد بصلي كده زي مايكون بيقولي هو انا مش مالي عينك ولا ايه ياض .
] طيب انا اطلع ازاي مش عايز اقطع عليهم قعدتهم .. دخلت بكل زوقي واحترامي اللي كلكم عارفينه طبعا لو سمحتي عايز اعدي الواد بصلي كده زي مايكون بيقولي هو انا مش مالي عينك ولا ايه ياض .اطلع فوق بقى اللي هو لادور التالت اللي المفروض الدكتور فيه وعينك ماتشوف الا النور كلي دي ناس اعصابهم تعبانه الف سلامة يا جماعه .. مانا اروح لامي احسن
ندهت على الترجميه كانت بنت صغيره كده 
قولتها لو سمحتي
قولتها لو سمحتينعم !!!
يامي انا بقولك لو سمحتي مش خدي يابت
عايز ايه مش ناقصاك هي كمان
خلاص ياستي بالراحة .. هو الدكتور موجود
اه موجود اترزع استنى دورك
اترزع ايه معاملة مرات الام دي … هو انا المفروض استنى الناس دي كلها
اه ياروح … هاتستناهم مش عاجبك
خلاص افوت عليكي بكرة بقى على ميعادنا … باي رنات بقى
امشي يا تيييييييت
اجري يالا [قولتها لاحمد صاحبي اللي كان معايا]
رحت تاني يوم بس لوحدي بقى المرة دي واطلع فوق
ايه ده هو انا دخلت غلط ولا ايه .. عكس اللي شوفته امبارح نهائي العياده فاضيييييييية
مش شايف صريخ ابن يومين حتى ووقفت على الباب واخبط وانده دستووور .. ياهل الدار .. العواف .. ياللي هنا .. احم احم .. حد يعبرني يا جماعه
فجأه وبعد معاناه طلعتلي البت بتاعت امبارح فاكرينها طبعا اول ما شافتني مش هاقولكم رحبت بيا ازاي وقالت يافتاح ياعليم يارزاق ياكريم عايز ايه ياض
طبعا اول ما شافتني مش هاقولكم رحبت بيا ازاي وقالت يافتاح ياعليم يارزاق ياكريم عايز ايه ياضقولتلها شكراَ شكراَ هو الدكتور بييجي امتى لو سمحتي
قالتلي اهو موجود .. قولتلها طيب انا عايز اكشف
قالت اتزفت اقعد هنا
وانا قاعد منسجم الاقي حاجة كده كبيرة عدت من قدامي ويداه ملوثه بالدماء يوه قصدي الجبس ورايح جاي قدامي ويقولي دورك جاي ياحلو .. طبعا حاولت امشي بس على مين الانسة لقطتني وقالتلي هو دخول الحمام زي خروجة اقعد اقعد
وجاءت اللحظة الحاسمة ودخلت للدكتور وبعد الكشف والبتاع قولتله خير يا دكتور عندي ايه
قالي ولا حاجة قوم روح يالا
قولتله يعني اخد الفلوس اللي دفعتها قبل ما ادخل ولا ايه
قالي نعم يا تييييييت فلوس ايه يابو فلوس قوم روح يالا وخد العلاج ده وتعالى كمان اسبوع
اروح اجيب العلاج ابن ال … بيقولي مش عندك حاجة ومديني كميه علاج دهان ونوعين كسبول و3 حقن
مش بعاكس والله بس فعلا دي الحقيقة