:: AhMeD AfIfY ::

ياااااااااااه !!

مافيش احسن من الامثلة المصرية الواحد فعلا بيحب يشجع منتج وطنة علشان انا شربت من نيلها ونيلها هو دمي - بس مدي على أحمر شوية   - فلازم نفتخر بأمثالها ونعمل بيها مهما حصل

اهو انا بقى كنت من النوع ده وعامل زي النجار اللي بابه مخلع بس الباب اللي مخلع مابقاش مخلع دلوقتي

كنت وانا صغير وبسمع المثل ده استغرب اوي ازاي نجار ومعاه المسمار والجاكوش على طول ويبقى بابه مخلع

وكان دايما سؤال غريب بييجي على بالي

كنت بقول دايما لو بابه مخلع طيب بيناموا ازاي والباب مخلوع  براءة اطفال بقى  خايف عليهم من الحرامية

انا بقى كنت دايما لما اجي اصمم مواقع للناس كانت تعجبهم والحمد لله آجي على موقعي انا واعمله تصميم زفت

لحد من حوالي سنة كده زهقت وماعملتش حاجة والموقع كان شغال لحد النهارده من غير تصميم اللي يدخل على الموقع يلاقيه ابيض ياورد مافيهوش صورة حتى

  لحد ماقررت اعمل وقفه مع نفسي - ايوة زي وقفة عرابي كده  - وقولت لازم احط حد للموضوع ده وقعدت مع نفسي قعدة وفتحت برنامج الفوتو بن شوب الكلام ده من حوالي 3 شهور  وعملت حته تصميم يادوب حطيت اللون وعملت شكل وقفلت على كده

اليومين اللي فاتوا بقى والحمد لله ربنا هداني وقولت لازم اخلصه علشان ده وجهة ليا ودخلت وكملت التصميم ولسة مخلصة دلوقتي وركبته على الموقع

رابط الموقع اهو

http://www.egplaza.com

بس برضه لسه الباب محتاج شوية مسامير علشان يتثبت

لسة ناقص شوية صفحات داخلية في الموقع علشان يكون كمل والحمد لله

اسيبكم انا على خير دلوقتي وعقبال كل نجار اما يصلح بابه على خير ان شاء الله

كل عام وانتم بخير

وبعوده الايام ان شاء  الله وعيد سعيد عليكم وعلى الامة الاسلامية

طبعا اغلبنا راح صلى العيد واغلبنا اكيد صلى في الساحات والاماكن المفتوحة اللي خصصتها الدولة لصلاه العيد

انا عن نفسي فرحة العيد عندي هي في صلاه العيد وبكون صاحي من قبل الفجر علشان استعد لصلاه العيد

واتمزج بقى وانا ماشي واقعد اطول في الطريق علشان امشي مع الناس اللي ماشية ونكبر في الشارع مع ان ماحدش بقى بيكبر خالص في الشوارع دلوقتي

اللي يغيظك بقى هو البنات اللي رايحة تصلي ومبهدلة وشها ميك اب

لا ولا اللبس اللي لابسينة

اللي لابسالك بنطلون وبودي

طبعا انا مش بتكلم على كل البنات لان فيه بنات كانوا في قمة الاحترام ورايحين فعلا علشان يفرحوا بالعيد ويصلوا صلاه العيد

انما العينة التانية بقى دي جايه علشان تفرح مع اصحابها وتتفرج على الناس بس برضه في نفس الوقت المفروض تعرف ان هيا داخلة تصلي وانها هاتكون بين ايدين ربنا وهي بتصلي

يبقى ايه لازمتة بقى كل البهدلة اللي في وشك دي ولا انتي رايحة بس علشان تتعاكسي والشباب يبصوا عليكي

وبرضه بالنسبة للشباب بس الموضوع عندهم بيختلف شوية لانهم طبعا مش بيحطوا ميك اب

بس بيروحوا كتير علشان يعاكسوا ويتفرجوا على البنات اللي هما النوعية اللي كنت بتكلم عليها

وفيه شباب وبنات والله بيروحوا بعد الصلاه

انا نفسي اعرف ده يتسمى بايه بقى ان شاء الله !!!

طبعا كل واحد فيكوا خايف وعامل زي اخينا اللي فوق ده اللي وجعلي دماغي عمال ينط يمين وشمال

واكيد كل واحد فيكم برضه من اللي خايفين بعد صلاه العيد مش هايروح بيته وهايقعد يصيع في الشوارع يتفرج على المزز ده طبعا من خوفه

خايف ياعيني انه يروح يلاقي السكينة في انتظاره

ماعلينا من الناس اللي خايفه

كل سنة وانتم طيبين ويارب كل عيد يعدي علينا بخير وسلامة والامة الاسلامية في خير

كله بقى بيستنى اللحمة في العيد ده والطفاسة تظهر علينا

واللي عامله رجيم هايبوظ ماهي اللحمة بقى وحنا مانتوصاش بالطفاسة مش معقوله هاتكون قدامنا ونسيبها علشان رجيم

ماجتش من كام يوم يعني

اهو حاجة مابتجيش الا من السنة للسنة

العيد ده مافيهوش عيدية فكله بيعوض بقى بالأكل

والهط يامعلم

كفايه فضايح على كده بقى وكل عام وانتم بخير